Käte merdem ýagşylyga garaşýar

Elden gelen ýagşylygyň eçil sen.

Oňat işler oňatlara ýaraşýar,

Rowaýaty saçak kimin açyl sen.

Ýöne eden ýagşylygyň iru-giç

Gaýtargysyn talap edäýseň eger,

Unudaýma, soňky demine deňiç

Seniň haýryň ýigdiň bogazyn bogar.

Beýdeniňden goýber maňlaýyndan ok

Ýa-da hanjar bilen sal döşe ýara.

Çünki, haýyr işiň gaýtargysy ýok,

Ol kersen däl, goňşokara daşara.